नेपाली मध्यमवर्गीय उपभोक्तालाई लक्षित गरेर ल्याइएको होण्डा अमेजको मूल्य २८ लाख रुपैयाँ रहेको छ । नेपालको कार बजारमा अमेजले आफ्नो उपस्थिती बलियो बनाउने ज्योति ग्रुपका अध्यक्ष पद्म ज्योतीले अपेक्षा गर्नुभयो । यो कार नेपालीको पकेट र बजेट सुहाउँदो रहेको बताउँदै उहाँले नेपाली बाटोमा चलाउन सकिने गरि निर्माण गरिएको बताउनुभयो । पारिवारीक कार होण्डा अमेज पछिल्ला प्रविधिले भरिपूर्ण रहेको कम्पनीले दाबि गरेको छ ।
यो कारको सबैभन्दा आकर्षक विशेषता उच्च माइलेज दिनु हो’ स्याकार ट्रडिङका अध्यक्ष शौरभ ज्योतिले भन्नुभयो- ‘पावरफुल भएको कारण जुनसुकै ठाउँमा सहजै लैजान सकिन्छ ।’ होण्डाले सुरक्षामा सम्झौता नगर्ने हुँदा अमेज पूर्णतया सेफि्ट कार भएको उहाँले दाबि गर्नुभयो । निकट भविष्यमा होण्डा अमेजको इमटी र इएक्सएमटी मोडेल पनि नेपाली बजारमा भित्राउने उहाँले जानकारी दिनुभयो । यी कारको मूल्य क्रमशः २५ लाख ५० हजार रुपैयाँ र २६ लाख ५० हजार रुपैयाँ पर्नेछ ।
होण्डा अमेजले नेपाली बजारमा सुजुकीको डिजाएर गाडीसँग प्रतिस्पर्धा गर्नुपर्ने कम्पनीकी प्रमुख ब्राण्डिङ अफिसियर सिर्जना ज्योतीले बताउनुभयो । मध्यम मूल्यमा उपलब्ध भएको हुँदा अमेजले सजिलै अन्य कम्पनीका कारसँग प्रतिस्पर्धा गर्न सक्ने उहाँको दाबि छ । होण्डाको पेट्रोल कार भित्राउँदै आएको कम्पनीले छिट्टै डिजेल इन्जिनका कार भित्राउने कम्पनीले जनाएको छ ।
यस्ता छन सुविधा
पेट्रोल इन्जिन भएको होण्डा अमेजले स्वचालित ट्रान्मिसनमा प्रतिलिटर १५.५ किलोमिटर माइलेज दिन्छ भने म्यानुअल ट्रान्मिसनमा प्रतिलिटर १८ किलोमिटरसम्म माइलेज दिन्छ । स्मार्ट माइक्रो लिमोजिनमा आधारित यस कारमा स्टाइलिस डिजाइन, छाँटिलोपन, हाँक्न सहज र फराकिलो बस्ने ठाउँ रहेको छ । कारमा शरिरलाई आरमदायी तरिकारले राख्न र घुँडा तन्काउन मिल्ने, टाउको नठोक्किने र खुट्टा फैलाउनका लागि प्रयाप्त स्थान रहेको कम्पनीले दाबि गरेको छ ।
यस कारमा २ थान मध्यम खालको लगेज र २ थान सानो खालको लगेज राख्न सकिने ४ सय लिटर क्षमताको स्थान रहेको छ । यसमा होण्डाको सक्रिय र निष्त्रिmय सुरक्षा प्रविधिहरु एसआरएस एयर ब्याग्स, पाङ्ग्राहरुलाई बन्द गर्दा सुरक्षा दिने एण्टि लक ब्रेक प्रणाली , ब्रेकको क्षमता बृद्धि गर्ने विद्युतीय ब्रेक वितरण, सिट बेल्टहरु लगाएतका सुरक्षा प्रणाली रहेको छ ।
अमेजमा बाहृय स्टाइल आकर्षक ढंगबाट बनाईएको हुँदा स्र्पोटी लुकमा देखिन्छ । ३ हजार ९ सय ९० मिमि लम्बाई, १ हजार ६ सय ८० मिमि चौडाई र १ हजार ५ सय ५ मिमि उचाई रहेको यस कारमा २ हजार ४ सय ५ मिमिको हृवीलबेस रहेको छ । अमेजमा ५ स्पिड म्यानुअल ट्रान्समिसन र ५ स्पिड अटोमेटिक ट्रान्समिसन रहेका छन् ।
होण्डा अमेज ६ रङमा उपलब्ध छ । यस कारले नेपाली उपभोक्ताको मन जित्न सक्ने कम्पनीले अपेक्षा गरेको छ । यो कार सहजै पार्किङ गर्न सकिने कम्पनीले बतायो ।
0 comments
Post a Comment