रुँदै फर्किइन् ग्यापा तामाङ

सोल (कोरिया), असार १४ – धादिङ लापाकी ग्यापा तामाङ कोरियाबाट रुदै घर फर्केकी छिन् । कोरियन पुरुषसूग बिहे गरेकी २५ बर्षे कान्छी छोरी गौरी तामाङले आत्माहत्या गरेपछि पोस्ट मार्टम प्रतिबेदन बुझ्न र शव दाहसस्कार गर्न उनी यहाँ आएकी थिइन् ।
घटना सुनेदेखि बग्न सुरु गरेका उनका आँशु घर फर्किन्छन्, एयरपोर्ट पुग्दासम्म रोकिएका थिएनन् । ‘मेरो मुटुको धड्कनले किन छोडेर गइ ?’ भन्दै ग्यापा एकोहोरो कहाल्लिन्थीन् गम्च्छिनमा । ‘मलाई सुखी राख्छु भनेर बाचा गरेको यहि हो ?’ उनी हिक्हिकाउदै देहत्याग गरेकी छोरीलाई सोध्थिन् । संगै रहेका ज्वाइू छाङ ब्यङ दोको चित्त दुखाई पनि उस्तै छ । ‘जति नै दुख कस्ट भए पनि किन प्राण त्याग्नु ?’
एकछिन पीडा बिसाएर ग्यापाले कुरा गरिन् । साथीको लहै लहैमा लागेर गौरी कोरियन पुरुष खोज्दै हिडेकी थिई रे । आफु र श्रीमान् बेलबहादूर तामाङले रोक्ने धेरै प्रयास गरे पनि गौरी नमानेको पनि खुलासा गरिन् । ‘आमा बुबाको मन न हो छोरा छोरी खुशी हुन्छन् भने किन इच्छा पुरा नगरिदिने भनेर स्वीकृति दिएकी थियौं तर हामीलाई आूशुको सागरमा डुबाएर गइ’ ग्यापाले भरिलो आूशु पुछ्दै भनिन् । गौरी आफैंले म्यारिज ब्युरो खोज्दै गएर गत बर्षको अक्टोबरमा गम्च्छिनका ५० बर्षका छाङ ब्यङ दोसूग बिहे गरेकी थिइन् । काठमाण्डौका सुपर म्यारिज ब्युरो र लाम्टाङ म्यारिज ब्युरोले उनीहरुको बिबाहको चाँजोपाँजो मिलाएको थियो ।
गौरीले आत्माहत्या गर्नुको कारण स्पस्ट नखुले पनि पूर्व तयारी गरेर आत्महत्या गरेको तथ्य ‘आइ वान्ट टु डाइ’ भनेर मे १४ मा लेखेको सुसाइट नोटबाट थाहा हुन्छ । उनले ‘तिमी अर्कैसंग रमाउ’ पनि लेखेकी छिन् ।
त्यस्तै त्यहाँको बहुसांस्कृतिक परिवारका सदस्यहरुसूग पनि सम्झनाका लागि भन्दै तस्बिर खिचाएकी थिइन् । उनले मे ३१ मा कोहि नभएका बेला आफू बस्दै आएको घरमा सलले झुण्डिएर आत्माहत्या गरेकी थिइन् । अंग्रेजीमा लेखिएको छोरीको नोट सहयोगीहरुले उल्था गरेर सुनाएपछि ‘म्यारिज ब्यूरोहरु मार्फत आएर कुनै छोरीले कोरियामा मर्नु नपरोस् र फेरी कुनै नेपाली आमाहरु यो भूमीमा रुन नपरोस् ।’ ग्यापाले भनिन् । भावबिह्वल उनले बिदेशीसँग बिबाह गराउने म्यारिज ब्यूरोहरुलाई सरकारले तत्काल बन्द गर्नुपर्ने माग पनि राखिन् ।
परिवारिक सहमतिमै गौरीको शब बौद्ध परम्परा अनुसार दाह संस्कार गरिएको थियो । शव स्थानीय जेइल अस्पतालमा राखिएको थियो । अस्पतालले पोस्टमार्टमको प्रारम्भिक प्रतिबेदन सार्बजनिक गर्दै गौरीको शरीरमा कुनै प्रकृतिको खत र बिषजन्य पदार्थको प्रयोग नभएको जनाउदै दाह संस्कारका लागि अनुमति दिएको थियो ।
बैबाहिक भिसामा कोरिया आएर आत्माहत्या गर्ने गौरी पहिलो नेपाली महिला हुन् । नेपाली दूतावासको तथ्यांक अनुसार हालसम्म १ हजार ५० नेपाली महिलाहरु बैबाहिक भिसामा आएका छन् । यी मध्ये अधिकांश घरेलु हिंसामा रहेको छन् ।