कर्णाली नदीमा बस खस्यो, ६ जनाको मृत्यु

दैलेख, जेठ २२-कर्णाली राजमार्गअन्तर्गत दैलेखको नेपा-८ चियालमा ना ३ ख ४७३८ नम्बरको बस दुर्घटना हुँदा ६ जनाको मृत्यु भएको छ ।
मध्यपश्चिम यातायातको बस सडकबाट तीन सय मिटर तल कर्णाली नदीमा खसेर दुर्घटना भएको हो । दुर्घटनामा तीन दर्जन घाइते भएका छन् । घाइतेहरुको प्रहरी र स्थानीयले उद्धार कार्य जारी राखेका छन्। दुर्घटना गम्भीर प्रकृतिको भएकाले मृतकको संख्या अझैं बढ्नसक्ने प्रहरीले जनाएको छ ।
बसमा ४० भन्दा बढी यात्रु सवार थिए । मृतकहरुको सनाखत हुन सकेको छैन । कालिकोटबाट आएको उक्त रात्री बस बिहान राकमकर्णालीबाट हिडेको थियो । दुर्घटनाको कारण खुल्न सकेको छैन ।