कतारमा तीन नेपालीको मृत्यु, १३ घाईते

दोहा (कतार), असार ६ – काम गरेर र्फकर्दै गर्दा आफू चढेको गाडी नियन्त्रण बाहिर गएर पल्टिएपछि कतारमा तीन जना नेपाली कामदारको मंगलबार साँझ ज्यान गएको छ । १३ जना नेपाली र्घाईते छन् । पाँचको अबस्था गम्भीर छ ।
कार्यस्थलबाट सनैयास्थित क्याम्पमा र्फकदै गर्दा यहाँको सल्वारोडमा माईक्रो भ्यानको टायर पड्किएपछि दुर्घटना भएको हो । भ्यानमा सवार अधिकांश नेपाली नै थिए । दुर्घटना स्थानीय समय अनुसार ४ : ३० मा भएको हो ।
स्थानीय पेनिन्सुला दैनिकका अनुसार मृत्यु हुने नेपालीमा कृष्णराज बंशी, पशपल धमाला र बृजनाथ पण्डित छन् । उनीहरुको पूरा ठेगाना खुलाइएको छैन् । मृत्यु हुनेहरुमा ३५ देखि ४० बर्षभत्रका छन् ।
नेपाली दुताबासले यो घटनाबारे जानकारी नपाएको बताएको छ । ‘तीब्र गतिमा आएको भ्यानको टायर पड्किएपछि नियन्त्रण बाहिर गाडी गयो । गाडीले सडकमा राखिएको डिभाडर पनि ढाल्यो’, पत्रिकाले लेखेको छ,’पर्खालमा गएर गाडी ठोक्कियो ।’ घाइतेहरुलाई हमाद अस्पतालमा राखिएको छ । त्यसमध्ये ६ जनालाई डिस्चार्ज गरिएको छ । गम्भीर घाइते हुनेमा इजिप्सीयन ड्राइभर पनि छन् ।