यो कस्तो अचम्म ! ११ वर्षीय बालक ३६ वर्षीय महिलाको सन्तानको बाबु I

यो कस्तो अचम्म ! ११ वर्षीय बालक ३६ वर्षीय महिलाको सन्तानको बाबु
 , असार २ ।सुन्दा अचम्म लाग्ला ११ वर्षको एक बालक ३६ वर्षीय महिलाको सन्तानको बाबु
बनेको छ भन्दा । तर न्युजिल्याण्डमा यस्तै घटना भएको छ । न्युजिल्याण्डमा ११ वर्षीय
बालक उनका आफ्नै साथीको आमाको सन्तानको बाबु बनेका छन् ।

साथीकी आमासँगको अनैतिक सम्बन्धपछि महिलाले सन्तान जन्माएपछी ११ वर्षीय बालक बाबु
बनेका हुन् । यो घटनासँग न्युजिल्याण्डमा नयाँ बहस सुरू भएको छ । ती महिलालाई अब
यौन अपराधको मुद्धा चलाउने या नचलाउने भन्ने विषयमा बहस सिर्जना भएको छ ।

बालक यौन दुर्व्यवहारको आरोपमा ती महिलालाई मुद्धा दायर गर्नुपर्ने कतिपयको भनाई छ
भने प्रहरीले उपयुक्त उजुरी कर्ताको खोजी गरिरहेको छ । केही वकिलहरुले समेत ती
महिलाविरुद्ध मुद्दा दायर गर्नुपर्ने बताइरहेका छन् ।

यो घटना तबमात्र सार्वजनिक भएको थियो जब ती बालकले विद्यालयका प्रधानाध्यापकसँग
यसबारे कुरा गरेका थिए । ती बालकले साथीकी आमाले आफूसँग यौन सम्बन्ध राखिरहेको र
आफूले भने त्यसबाट छुटकारा पाउन चाहेको बताएपछी मात्र घटनाबारे पर्दा खुलेको हो ।

न्युजिल्याण्डको कानुनमा बलात्कारको घटनामा २० वर्षसम्मको जेल सजाय हुने व्यवस्था छ
। यदी ती महिलामाथीको मुद्धा दायर भइ उनलाई दोषी ठहर्याइए उनीमाथी पनि यस्तै
प्रकृतिको सजाय हुने बताइएको छ ।