जेठ २१ । बलिउड हिरोइन जिया खान जुहूस्थित आफ्नै घरमा मृत फेला परेकी छिन् । एम्बुलेन्समा राखेर नजिकैको आरएन कपुर म्युनिसिपल अस्पताल पुर्याउँदा डाक्टरहरुले पहिलै मृत्यु भइसकेको बताएका थिए । आमा रबिया अमिनसँग बस्दै आएकी उनले झुण्डिएर आत्महत्या गरेको टाइम्स अफ इन्डिया अनलाइनले जनाएको छ । प्रहरीको प्रारम्भिक अनुसन्धानमा देखाइए अनुसार पोष्टमार्टम रिपोर्टले उनको घाँटीमा दवाब परेको देखाएको छ । २५ वर्षीया बलिउड हिरोइनले झुण्डिएर आत्महत्या गरेको हुनसक्ने अनुसन्धानमा संलग्न मुम्बइ प्रहरीले जनाएको छ । ब्रिटिस भारतीय जियाले रामगोपाल बर्माको निशब्दमा अमिताभ बच्चनसँगै अभियन गर्दै बलिउड करिअर अघि बढाएकी थिइन् । सन् २००८ मा रिलिज भएको ‘गजनी’ले उनको अभिनयलाई नयाँ उचाइमा पुर्यादइदिएको थियो । पछिल्लो पटक उनलाई दर्शकले ‘हाउसफूल’मा हेरेका थिए । सन् २०१० मा रिलिज भएको यो सिनेमा नै उनको अन्तिम सिनेमा बन्यो ।
0 comments
Post a Comment