करिव दुई महिनायता कक्षामै छात्रा(किशोरी) बर्बराउने, मुर्छा पर्ने र वेहोस हुने गरेपछि पढाई प्रभावित भएको हो । बिशेष गरेर कक्षा १० मा अध्यायनरत छात्राहरुलाई यस्तो किसिमको रोग देखिएको विद्यालयले जनाएको छ ।
साथीमा बर्बराउने, मुर्छा पर्ने र बेहोस हुने समस्या देखिएपछि अन्य विद्यार्थी समेत डराउन थालेका छन् । बिद्यालय जादाँ विरामी होइन्छ भन्ने डरले बिद्यार्थी विद्यालय नआउदाँ पढाई प्रभावित भएको शिक्षक बताउँछन् ।
'दुई महिनायता दैनिक १/२ विद्यार्थी र्बबराउने, मुर्छा पर्ने र बेहोस हुने गरेका छन्' विद्यालयका शिक्षक विशाल थापाले भने, 'तर अहिले आएर संख्या बढदै गएको छ' । साता यता दैनिक ४/५ जना छात्रामा यस्तो समस्या देखिएको उनले बताए ।
'विद्यालय बाहिर यस किसिमको समस्या छैन'शिक्षक थापाले भने 'विद्यायमा आएपछि बर्बराउने, मुर्छा पर्ने र विहोस हुने भएपछि बिद्यार्थी विद्यालय नै आउन मान्दैनन्' । रोगको पहिचान गरी निदान गर्न नसक्दा समस्या बढदै गएको थापाले बताए । विद्यालयमा करिव ४ सय विद्यार्थी अध्यायनरत छन् ।
आइतबार पनि कक्षा १० मा अध्यानरत सावित्रा दाहाल, इन्दिरा विष्ट र हिरा खडकामा बर्बराउने, मुर्छा पर्ने र बेहोस हुने समस्या देखा परेको शिक्षक थापाले बताए । दैनिक यस किसिमको समस्या देखा परेपछि विद्यालयमा विद्यार्थी उपस्थिति कम हुँदै गएको उनले बताए ।
'बिद्यालयमै सामूहिक रुपमै विद्यार्थी विरामी हुन थालेका छन्' स्थानीय अभिभावक रुपबहादुर खडकाले भने, 'स्कुलमै दैनिक ४/५ विद्यार्थी विरामी भएपछि डरले अन्य विद्यार्थीपनि स्कुल जान मान्दैनन्','विद्यालयमा विद्यार्थी विरामी हुन थालेपछि अहिले धामी झाँक्रीको परामर्श लिदै छौ' । धामी झाक्रीले समस्या समाधान गर्ने उपाय सुझाउने बताएको उनले जनाए ।
'विद्यार्थीमा देखिएको समस्या हेर्दा मासहिस्टेरीया भएको हुनुपर्छ' जिल्ला स्वास्थ्य र्कायालयका प्रमुख डाक्टर चुमनलाल दासले भने, 'एउटालाई देखिएको समस्या अर्को हेरेयो भने त्योपनि विरामी पर्ने मासहिस्टेरीयाको लक्षण हो' । त्यसैले सिंहदेवि माविमा देखिएको समस्यापनि मासहिस्टेरीया हुनसक्ने उनले बताए ।
रोग निदानका लागि विरामीलाई परार्मश दिनु विकल्पमा अन्य औषधि नभएको डाक्टर दासले बताए ।
0 comments
Post a Comment