नेपालगन्ज, जेष्ठ २० - बाँके प्रहरीले धर्मबिहीनीसँग शारिरीक सम्बन्ध राख्दै आएका उदयरबहादुर शाहीलाई हत्याको आरोपमा पक्राउ गरेको छ । बाँके वसुदेवपुर-६ बस्ने ३३ बषिर्या पानसा सिंहलाई दैलेख लकन्द्रा-६ का शाहीले कोठा भित्रै घाँटी थिचेर हत्या गरेपछि धोतिले बानेर दिवालमा झुण्डाएको प्रहरीले जनाएको छ ।
घरमा कोही नभएको बेला शाहीले पानसाको हत्या गरेका हुन । जेठ २ गते मध्यराति हत्या गरी फरार शाहीलाई १६ दिनपछि बाँकेको कोहलपुर बजारबाट पक्राउ गरि हिरासतमा लिइएको छ ।
पानसा र उदय बहादुर शाहीबीच करिब १ वर्ष पहिला चिनजान भएको हो । जिल्ला प्रहरीले 'चिनजान भएदेखिनै उनीहरुबीच शारीरिक सम्बन्ध रहादै आएको' दावी गरेको छ ।
धर्मदाई र बहिनीका नाममा सुरु भएको उक्त सम्बन्धपछि शाहीले पासनासाग आर्थिक लेनदेन समेत गरेको प्रहरी अनुसन्धानबाट खुलेको छ । हत्याको भएको राति दुवै जनाले मादक पदार्थ सेवन गरेका थिए । त्यतिबेला पानसाले प्रयोग गर्ने मोबाईलमा अर्को पुरुष व्यक्तिको फोन आएपछि उनीहरुबीच बिबाद भएको प्रहरीको भनाई छ ।
झगडापछि सुत्न लागेको अवस्थामा उदयबहादुर शाहीले पानसा सिंहको घाँटी थिची हत्या गरेको देखिएको अनुसन्धानमा संलग्न प्रहरीले बताएका छन ।
0 comments
Post a Comment