नेपाली कलाकार अवैध यौन व्यवसायमा

गोरखा अनलाईन
काठमाडौं २९, साउन । नेपाली युवतीलाई सिंगापुरको नाङगो नाँच नाच्ने डान्स बार पुर् याएको अभियोगमा प्रहरीले नेपाली मोडल रमिता भण्डारी र सबु शाहलाई पक्राउ गरेको छ । सिंगापुरबाट फर्केकी एक युवतीको उजुरीका आधारमा उनीहरुलाई महानगरीय प्रहरी वृत्त बालाजुले आज पक्राउ गरेको हो ।
उनीहरु आज सिंगापुर उड्न लागेका थिए । सिंगापुरबाट फर्केकी अनिता नकर्मीको उजुरीका आधारमा महानगरीय प्रहरी वृत्त बालाजुले भण्डारी र शाहलाई पक्राउ गरेको प्रहरीले जनाएको छ । अनिताले महानगरीय प्रहरी प्रभाग जनसेवामा उजुरी दिनु भएको थियो ।
बालाजु प्रहरीले पक्राउ गरेपछि दुवै मोडललाई जनसेवा प्रहरीको जिम्मा लगाएको छ । प्रहरी बयानमा दुवैले लामो समयदेखि सिंगापुर बसेर डान्स बारमा काम गर्ने गरेको बताएका छन् । तर निवेदक अनिताले भनेजस्तो नेपालबाट युवतीलाई जबरजस्ती लगेको भन्ने आरोप उनीहरुले नस्वीकारेको जनसेवा प्रहरी प्रमुख अवदेस विष्टले जानकारी दिनुभयो ।
अनिता नकर्मीलाई सिंगापुरमा ब्युटिसियन पढाउने भन्दै ८ लाख रुपैयाँ समेत असुलेर मलेसिया हुँदै संिगापुर पुर्‍याइएको र त्यहाँ पुगेपछि नाङगो डान्सबारमा काम गर्न दबाव दिइएको उजुरीमा छ ।