छविलाल बगाले, लमजुङ २५ असार । हिमालपारीको जिल्ला मनाङमा मोटर पुगेपछि हवाई सेवा लिनेहरुको संख्यामा गिरावाट आएको छ । लमजुङ सदरमुकाम बाट मनाङको सदरमुकाम चामोसम्म मोटर चल्न थालेपछि हवाई सेवा लिनेहरुको संख्यामा कमी आएको हो ।यसअघि प्रत्त्येक हप्ताको दुई पटक उडान भर्दे आएपनि मनाङसम्म यातायातका साधनहरु निरन्तर रुपमा चल्न थालेपछि यस वर्ष ४ महिनामा ३ पटकमात्रै जहाज पुगेको छ । मनाङबबाट दैनिक रुपमा यातायातका साधनहरु ओहोरदोहोर गर्न थालेपछि मनाङबाट हवाईल सेवा प्रयोग गरी पोखरा जानेहरुको संख्यामा कमी आएको बताइएको छ । फागुनदेखि हवाइ सेवा सञ्चालनमा आएको औपचारिक सूचना दिइएपनि त्यसयता तीन पटक मात्रै जहाज मनाङ पुगेको स्थानीय बासिन्दाले बताएका छन् ।
मनाङमा अहिले हवाइ उडान बन्द भएपछि छिटोछरितोको लागि हवाई सेवा प्रयोग गर्ने, आपतकालिन र भिआइपी तथा अन्नपूर्ण पदमार्गमा घुम्न जाने पर्यटक तथा पर्यटन ब्यवसायीहरुलाई भने मर्का परेको मनाङ पर्यटन ब्यवसायी समितिका अध्यक्ष विनोद गुरुङले वताए ।
यसअघि मनाङसम्म मोटर नचल्दा स्थानीय बासिन्दा, शिक्षक–कर्मचारीहरु हवाई यात्रा मार्फत जाने आउने गर्दथे भने अहिले मनाङसम्म गाडीबाट जानेआउने गर्दछन् । मनाङका प्रहरी नायव उपरीक्षक प्रवीणलाल श्रेष्ठले मनाङमा हवाइ सेवा सञ्चालन हुने समय झण्डै २ महिनासम्म नेपाल वायु सेवा निगमको जहाजले उडान नभरेको बताएका छन् । तर यता केही महिना अगाडी मुस्ताङमा विमान दुर्घटना भएपछि मनाङमा उडान स्थगित गरिएको हुम्डे विमानस्थलका स्टेशन म्यानेजर सुर्य गुरुङले जानकारी दिएका छन् ।
मनाङमा विमान नआउने भएपछि विमानस्थलका स्टेशन म्यानेजर गुरुङलाई पनि पोखरा विमानस्थलमा काजमा खटाइएको छ । मनाङमा हवाई सेवा नचल्दा आपत्तकालिन अवस्थामा स्थानियबासीले हेलिकप्टर चार्टर गर्नुपरेको मनाङका विनोद गुरुङले बताए । नेपाल वायु सेवा निगमले सुरुमा मनाङ–पोखरा र पोखरा–मनाङको उडान भर्न २०३९ साल असोजबाट सुरु गरेको हो ।
0 comments
Post a Comment