कुन खानामा कति पौष्टिक तत्व होला ? त्यो खाना खाँदा सरीरलाई पौष्टिक तत्व पुग्ला नपुग्ला ? कतै बढि भएर मोटोपनको सिकार पो होइने हो की ? यो चिन्ता आफ्नो स्वास्थ्यमा ध्यान दिन भ्याउने धेरैको चिन्ता हो । तर गुगलले यो चिन्ताको निवारण गरिदिने भएको छ ।
गुगलले यस्तो सेवा सुरु गरेको छ जसमा तपाइँ क्लिक गर्दा बित्तिकै तपाइँले खान चाहेको खानेकुराको सम्पूर्ण विवरण प्राप्त गर्न सक्नुहुनेछ । सुरुमा अमेरिकामा उपलब्ध गुगलको यो सेवा अन्तरगत झण्डै १ हजार प्रकारका खानेकुरामा पाइने चिल्लोे, कार्बोहाइड्रेट तथा लवणको मात्रा लगायतका विषयमा पूर्ण जानकारी पाउन सकिनेछ ।
एक ब्लग पोष्टमार्फत गुगलले यो कुराको जानकारी दिँदै भनेको छ नयाँ टुल्सबाट अब प्रयोगकर्ताले आफ्नो लागि सन्तुलित भोजनको छनोट गर्न सक्नेछन् ।
सुरुमा यो सेवा दश दिनको लागि अमेरिकामा उपलब्ध हुने बताइएको छ । त्यसपछि यो सेवा अन्य मुलुकहरुमा उपलब्ध गराइनेछ वा छैन ? त्यसबारेमा भने केही खुलाइएको छैन ।
गुगलका अनुसार आलु तथा मुला देखि लिएर चाउमिन लगायतका खानेकुराको बारेमा प्रश्न सोध्न सकिनेछ । केरामा कति प्रोटिन पाइन्छ ? भनेर सोध्दा बित्तिकै गुगलले त्यसको जवाफ दिइहाल्नेछ । यसका लागि गुगलले आफ्नो सर्च इन्जिनका साथै अन्य सम्बन्धित विभिन्न वेबसाइटमा पनि लिंक गराउनेछ । आफुले सोधेको कुराको जवाफ माइक्रोफोन मार्फत समेत सुन्न सकिनेछ ।
0 comments
Post a Comment