उपर कर्णाली भारतलाई दिए संघर्ष गर्ने: केशी

यो परियोजना भारतलाई दिन नहुने भन्दै स्थानीयबासी तथा राजनीतिक दलहरुले विरोध गरिरहेका बेला त्यो अभियानमा थपिनेको संख्या बढ्दो छ । यसै क्रममा राष्ट्रिय जनमोर्चाका अध्यक्ष चित्रबहादुर केसीले माथिल्लो कर्णाली जलविद्युत परियोजना कुनै पनि हालतमा भारतलाई दिन नहुने भन्दै यदि दिएमा त्यसको विरुद्ध संघर्ष गर्ने बताउनुभएको छ । अध्यक्ष केसीले जनमोर्चा नेपालले राजधानीको संवाद डबलीमा आयोजना गरेको ‘अपरकर्णाली’ विषयक अन्तरक्रिया कार्यक्रमा बोल्दै केसीले उक्त कुरा बताउनुभएको हो । त्यस क्रममा अध्यक्ष केसीले आफूलाई राष्ट्रियताको लागि लडेको भन्ने वामपन्थीहरु नै राष्ट्रघातको पहिलो मोर्चाका भएको आरोप लगाउनुभएको छ । --> अन्तरक्रिया कार्यक्रममा केसीले भारतीय साशक वर्गलाई खुशी पार्न उसका नेपाली दलालहरुले प्राकृतिक साधन स्रोतहरु बुझाउने श्रृंखलाको कडि रुपमा अपर कर्णालीलाई सुम्पन लागेको दाबी गर्नुभयो । सोही कार्यक्रममा नेकपा–माओवादीको सचिव देव गुरुङले सिंगो कर्णाली नदीलाई भारतलाई सुम्पने षड्यन्त्रका साथ अपरकर्णाली परियोजना जिएमआरलाई निर्माण अनुमति दिन लागेको आरोप लगाउनुभयो । सचिव गुरुङले तल्लो तटिय र माथिल्लो तलिय अधिकारका नाममा भारत पूरै कर्णाली नदी कब्जा गर्न लागेको दाबी गर्नुभयो । संसारकै सस्तो भएकाले उक्त परियोजना नेपालले आफै निर्माण गर्नसक्ने भन्दै नेता गुरुङले अहिलकै अवस्थामा भारतलाई दिइएमा आफ्नो पार्टीले हुनै नदिने दाबी गर्नुभयो । सोही कार्यक्रममा नेपाल मजदूर किसान पार्टीका केन्द्रीय सदस्य रविन्द्र जेठारा, रत्नसंसार श्रेष्ठ, गोपाल सिवाकोटी ‘चिन्तन’ लगायतका बक्ताहरुले भारतलाई विजुलीभन्दा पनि पानी चाहिएकाले कर्णाली नदी कब्जा अपरकर्णाली परियोजनामा हात हालेको बताउनुभयो । जलस्रोतमा वैदेशिक लगानी भित्र्याएर ऊर्जा संकट घटाउने दावी गरिए पनि अपर कर्णाली परियोजना निर्यतमूखी भएकाले नेपाललाई कुनै पनि फाइदा नहुने दाबी विज्ञहरुको छ ।