एयर होस्टोल एकाडेमीले अन्तराष्ट्रिय मान्यता प्राप्त

डिसीनेपाल डटकम -  एयर होस्टोल एकाडेमीले अन्तराष्ट्रिय मान्यता प्राप्त गरेको छ। प्रदिपराज वन्त प्रबन्ध निर्देशक रहेको फ्लाई स्काई इन्टरनेशनल एयर होस्टेज एकेडेमीले अन्तराष्ट्रिय मान्यता पाएको हो । फ्लाई स्काई इन्टरनेशनल एयर होस्टेज एकेडेमीले स्थापना भएको एक वर्षमै अन्तराष्ट्रिय मान्यता पाएको हो । वन्तले यस अघि भने ४ वर्षदेखि सिजन मिडियाद्वारा एयर होस्टेज सम्बन्धी प्रतियोगीतात्मक कार्यक्रम गर्दै आएका थिए । सिजन मिडियाद्वारा सञ्चालित प्रतियोगितालाई नै गतवर्षदेखि वन्तले फ्लाई स्काई इन्टरनेशनल एयर होस्टेज एकाडेमीको नाममा एयर होस्टेज सम्बन्धी तालिम, व्यक्तित्व विकास र टेलिफोन अपरेटर कक्षा सञ्चालनमा गर्दै आएका छन् । राजधानीको पुतलीसडकमा रहेको एकेडेमीले स्थापना भएको पहिलो वर्षमा नै अमेरिका स्थित इन्टरनेशनल एक्रिडिएसन अर्गनाइजेसन (आइएओ) बाट  अन्तराष्ट्रिय मान्यता प्राप्त गरेको हो । फ्लाइ इकाई इन्टरनेशनल एकेडेमीका प्रबन्ध निर्देशक वन्तले आफ्नो संस्थाले अन्तराष्ट्रिय मान्यता प्राप्त गरेकोमा खुशी व्यक्त गरेका छन् । वन्तले अन्तराष्ट्रिय प्रमाणपत्र आफ्नो संस्थाले पाउनुको पछाडि संस्थाको काम अन्तर्राष्ट्रिय जगतमा विश्वाशिलो र गुणस्तरयुक्त भएको बताएका छन् । फ्लाई स्काई इन्टरनेशनलले गत वर्षदेखि राष्ट्रिय तथा अन्तर्राष्ट्रिय  उडानका लागि उपयोगी तालिम कक्षा सञ्चालन गर्दै आएको छ ।