असार १४ – मुम्बई आक्रमणका अभियुक्त अबु सलेममाथि कारागारमै गोली प्रहार भएको छ ।
मुम्बईको तलोजा सेन्ट्रल जेलमा राखिएका सलेममाथि अर्का कैदी देवेन्द्र जगतापले गोली प्रहार गरेको भारतीय सञ्चारमाध्यमले जनाएका छन् ।
जगताप अधिवक्ता सईद आजमीको हत्या प्रकरणमा जेल परेका हुन् । एउटा गोली लागेका सलेमको उपचार भैरहेको र उनको अवस्था खतरामुक्त रहेको अस्पतालले जनाएको छ ।
जेलमा हतियार कसरी पुग्यो भन्ने बारेमा छानबीन भैरहेको स्थानीय प्रहरी अधिकारीले जनाएका छन् ।
सन् २०१० मा मुम्बईको आर्थर रोड जेलमा पनि सलेममाथि आक्रमण भएको थियो । उनीमाथि हत्या, अपहरण तथा फिरौती मागेको लगायतका ६० भन्दा बढी आरोप छ ।
0 comments
Post a Comment