७ महिने बालकको ३ इन्चको पुच्छर, जति काटयो उति पलाउने !

सात महिने छोरो । अरु जिउ ठिक छ । तर पिठयुँको तल्लो भागबाट पुच्छर जस्तो मासुको भाग निस्किएको छ । जुन बढिरहेको छ र अहिले ३ इन्च लामो भैसकेको छ । माथिल्लो भागमा ठूलै मासुको डल्लो छ, जसले विचरो बालकलाई मुस्किल पारिरहेको छ । ती आमाले आफ्नो छोराको यस्तो पुच्छर हटाइदिन धेरै डाक्टरहरुसँग हारगुहार गरिन् । तर उनको बिलौना अहिलेसम्म कसैले सुनेको छैन ।



चीनको गुआंडोङ प्रान्तमा बस्ने चेन नामकी महिलाको कथा हो यो । उनको सात महिने छोरा जिआओ वेइको पुच्छर पलाएको छ र त्यो दिनदिनै बढिरहेको छ । मेरुदण्ड राम्रोसँग नबनेको अर्थात् स्पाइना बाइफिडा नामक समस्याबाट ग्रसित उक्त बालकको पुच्छर हटाइदिन आफुले धेरैजना सर्जनसँग आग्रह गरेपनि डाक्टरहरुले त्यो असामान्य रहेको भन्दै सर्जरी गर्न अस्विकार गरेको चेन बताउँछिन् ।


शल्यचिकित्सक हुआंगका अनुसार त्यो बालकको पुच्छर निकै विकशित भैसकेको छ र अहिले १० सेन्टिमिटर लामो भैसकेको छ । यसलाई काटेर फ्याँकेपनि त्यो फेरी पलाउने भन्दै उनले यसको वृद्धि रोक्नका लागि सबैभन्दा पहिले सुसुम्नाकै उपचार गर्नुपर्ने बताए ।