महिलाको शव भेटियो

सर्लाही, असार १८ - जिल्लाको सुदामा नहरमा एक महिलाको शव फेला परेको छ । पेटिकोट र चोलो लगाएकी अन्दाजी २५ वर्षकी जस्तो देखिने ती महिला नहरको ब्यारेजमा अड्केको अवस्थामा फेला परेको प्रहरीले जनाए । दुवै हातमा चुरा र दाहिने हातमा ट्याटुसमेत देखिने महिलाको सनाखत हुन सकेको छैन । शव निकालेपछि सनाखत गर्न आसपासका गाउँलेलाई बोलाएर प्रहरीले देखाएको थियो । प्रहरी उपरीक्षक शरद चन्दले कसैले पनि शव नचिनेकाले अन्यत्रबाट बगेर आएको हुन सक्ने बताए ।